Joan zen astelehenean Ana Galarragak eskaini zuen saioarekin bukatu da Azpeitiko Udal Liburutegiko ipuin kontaketen XXXII. edizioa. Apirilaren 19an ekin zioten aurtengo edizioari, eta astez aste, adin desberdinetako haurrei zuzendutako kontaketak eskaini dituzte hainbat lagunek. Saioak "bereziak" izan direla azaldu dute liburutegiko ordezkariek; izan ere, COVID-19aren pandemia tarteko, emanaldietako plazak mugatuak izan dira. "Lehen, elkarri arrimatuta egoten baziren, oraingoan, distantziak mantendu behar. Hala ere, hamaika istorio, hamaika emozio bizi izan ditugu. Hurrengo ikasturtean, gehiago, eta hobeto".
Hona hemen Udal Liburutegiko kideek kontaketetako irudiekin osatu duten eta sare sozialetan zabaldu duten bideoa:
XXXII. #ipuinkontaketa saioak amaitu dira. Bereziak izan dira, plaza mugatuak, eta lehen, elkarri arrimatuta egoten baziren, oraingoan, distantziak mantendu behar.
— azpeitikoliburutegia (@azpeitikolib) June 11, 2021
Hala ere, hamaika istorio, hamaika emozio bizi izan ditugu. Hurrengo ikasturtean, gehiago, eta hobeto. pic.twitter.com/9qXwAr3NNO