Bihar arratsaldean izango da 1521eko Loiolako eta Noaingo gertakarien bosgarren mendeurrenaren harira Urolakoen Nafar Zuzterrak antolatu dituzten solasaldietan hirugarrena. Gure historiaren errealitatea eta erronkak hezkuntzan hitzaldia emango du Jaione Isazelaia irakasle eta idazleak. 18:30ean hasiko da saioa eta Azoka Plaza gaineko aretoan izango da.
Mendeurrena dela-eta antolatutako ekitaldiekien jarraituko dute datozen asteetan ere. Hurrengo asteartean Joseba Asironek hitzaldia eskainiko du; ekainaren 26an Noainera irteera egingo dute; eta ekainaren 27an emango diote amaiera egitarauari, Loiolan gazteekin egingo duten mahai inguruarekin.