Urte luzez hutsik egon da Julian Elorza hiribidean dagoen Karasusan etxea, eta egunotan eraikina botatzen ari dira eremu horretan etxebizitza berriak egiteko. 2006ko uztailean Karasusaneko lehen solairua okupatu zuten hainbat gaztek, eta ekintza horren ondorioz, epailearen aurrean deklaratu behar izan zuten bederatzi gaztek. Ordutik, hutsik egon da eraikina, eta datozen hilabeteetan bi, hiru eta lau logeletako hamar etxebizitza izango dituen Hiribai eraikina egingo du Grupo Eibarrek.