Azkoitia eta Urretxu arteko GI-631 errepidea hobetzeko lanak hasita ditu Gipuzkoako Foru Aldundiak, eta obra horiek tarteko, itxi egingo dute errepide hori datozen egunetan. Zehazki, ekaineko, uztaileko, abuztuko eta iraleko hainbat egunetan gauez itxiko dute errepidea, 23:30etik 05:30era bitartean.
Gaur egun, errepideko tarte jakin batean, zirkulaziorako erreietako bat ezin da erabili obrengatik, eta ibilgailuak txandaka ibil daitezke bi noranzkoetan; semaforoen bidez dute trafikoa antolatuta. Horrez gain, Gipuzkoako Foru Aldundiak jakinarazi duenez, ibilgailuak handik pasatzeko babes elementuak jarri behar dituztelako itxi beharko dute errepidea bi noranzkoetan. Honako egun hauetan itxiko dute errepidea 23:30etik 05:30era artean:
- Ekainak 29 eta 30 (asteartea eta asteazkena).
- Uztailak 5, 13, 14, 19, 26 eta 27.
- Abuztuak 2, 9, 10, 17, 18, 24 eta 30.
- Irailak 2.
Egun horietan, honako ordezko ibilbide hauek egitea gomendatu dute: GI-3750 errepidea, Elosutik barrena; GI-2634 errepidea, Azkaratetik; eta GI-2635 errepidea, Mandubitik barrena.