Dena prest dute Azpeitiko pilotariek Gipuzkoako Eskuzko Herriartekoaren finalerako. Bihar jokatuko dute final handia Oiartzunen aurka, Idiazabalen. Ezohiko txapelketa izan da aurtengoa, baina Ilunpekoak txukun egin dituzte beren lanak. eta aise irabazi zituzten Oñati nahiz Hernaniren aurkako partidak. Astigarragak eman zien lan gehien, baina azkenean Azpeitiak egin zuen aurrera txapelketan. Orain, oiartzuarrak izango dituzte parez pare finalean, eta haiek ez diote erraz jarriko azpeitiarrei. Txapelketa guztia ikuslerik gabe jokatu ostean, badirudi Ilunpekoek bihar izango dutela azpeitiarren babesa finalean. Azpeitiak biharko finala irabaziko balu, Herriartekoan eskuratutako zortzigarren txapela ekarriko luke herrira.
Bihar arratsaldean, 16:30etatik aurrera, zuzenean izango da ikusgai Azpeitia eta Oiartzunen aurkako partida Uztarrian eta Erlo Telebistan.