Gaur arratsaldean hitzordu garrantzitsua dute Azpeitiko pilotariek. Gipuzkoako Herriartekoaren finala jokatuko dute Oiartzunen kontra, Idiazabalgo Igarondo frontoian, 16:30ean hasita. Hamabigarren Herriarteko finala izango da azpeitiarrentzat, eta irabazten badute, zortzigarrenez jantziko dute txapela. Uztarria.eus-ek eta Erlo Telebistak zuzenean emango dituzte finaleko hiru partidak. Koldo Aldalur kazetaria eta Jon Alberdi pilotari profesionala ariko dira esatari lanetan.