Aurten egin egingo dute Euskal Herriko Herriarteko Pilota Txapelketa, eta han izango da Azpeitia; izan ere, joan zen asteburuan irabazi zuen horretarako aukera eman dion txartela, Oiartzun mendean hartu eta Gipuzkoako Herriarteko Txapelketa irabazita.
Euskal Herriko lehia jokatu edo ez zalantzak izan dituzte haren antolatzaileek, baina azkenean, egitea erabaki dute. Dena den, hiru talde ariko dira nor baino nor, Nafarroan ez baita txapelketarik egin aurten ere. Horrenbestez, Gipuzkoako, Bizkaiko eta Arabako talde bana saiatuko dira Euskal Herriko txapela lortzen. Oraindik ez dute zehaztu lehia zer formatutan eta noiz jokatuko duten.