Ostegunetik aurrera herriko denda ugaritan eskuratu ahal izango dira poltsa konpostagarriak. Azken urteetan banaketaz arduratu diren lau saltokietan ez ezik, beste zortzitan ere jaso ahal izango dira poltsak. Honako hauek dira denda horiek: Aitzaki kirolak, Inar optika, Itzira kafetegia, Xiriako gozotegia, Jostaldi kirol denda, Tienda Azul, Farmazabal parafarmazia, Kiribil ekodenda, Bossi arropa denda, Elikagunea, Mugi kirolak eta Ilargi mertzeria.
Urola Erdiko Mankomunitateak jakinarazi duenez, saltokien eskaintza zabalagoa izanik, herritarrentzat eta hondakin sortzaile handientzat "errazagoa" izango da poltsa konpostagarriak eskuratzea. Poltsak doan eskuratu daitezke etxeko helbidea jakinarazita. Norbanakoek poltsa txikien biribilki bat eskuratuko dute eskaera egiten duten aldi bakoitzeko. Aldiz, denden, tabernek, elkarteek eta bestelako sortzaile handik gehienez lau biribilki jaso ahal izango dituzte. Poltsa konpostagarriak janari hondarrak biltzeko soilik erabili behar direla gogorarazi du Urola Erdiko Mankomunitateak.