Hasi dira dagoeneko gaztetxoentzako Go!azen telesailaren denboraldi berria grabatzen. Hain zuzen ere, atzo, asteartea, hasi zituzten grabaketak Gasteizen, eta gaur, asteazkena, Azpeitiko Esklabetan izan dira telesaileko aktoreak nahiz talde osoa. Grabaketek irauten zuten bitartean trafikoak hainbat aldaketa izan dira, batez ere goizean.
Guztira, hamar atal izango ditu Go!azen 8.0-k, eta Euskal Telebistan ikusi ahal izango dira. Arduradunek adierazi dutenez, abuztuaren 20a bitartean grabatuko dituzte denboraldi berriko atalen sekuentziak, eta Azpeitian ez ezik, Bergaran, Donostian eta Irunen ere egingo dituzte grabaketak. Aurten, gainera, hainbat aldaketa izango dira; esaterako, aktore eta pertsonaia berriak ikusi ahal izango dira pantailan, eta gai berriak ere uztartuko dituzte.
(Argazkiak: Eider Uribarri)