Iruñeko Alde Zaharreko VII. Erremonte Txapelketa jokatu zen atzo, zapatua, Iruñeko Labrit pilotalekuan, eta Ezkurra II.a eta Ion Etxeberria erremontista azpeitiarra izan ziren finaleko garaileak. Norgehiagoka berdinduta egon zen hasiera partean, baina markagailua 21-21 izatera iritsi zenean Ionek eta bere bikoteak partidari buelta ematea lortu zuten, eta azkenean, 26-35 amaitu zen partida.
Txapelketa berezia izan zen; izan ere, Euskal Jai Berri fundazioak eta e-Remontek antolatutako pilota jaialdian lortutako dirua minibizia duten haurrei laguntzen dien Nafarroako ADANO elkartearentzat izan zen.