Hilero bezala, uztailean ere odola emateko aukera izango da Azpeitian, eta hilaren 28tik 14ra aldatu dute hitzordua. Azken hilabeteetan egin duten moduan, Parrokiaren Soreasuko lokalean izango da horretarako aukera, 17:00etatik 21:00etara bitartean. Lokal horretarako sarrera Perez Arregi plazatik Soreasu antzokira arteko pasabidean dago.
Osasun egoera tarteko, odola eman nahi duten herritarrek izena eman beharko dute aurrez. Hitzordua egunean bertan eskatu beharko da, 08:30etik 13:30era bitartean, 943-00 78 84 telefono zenbakira deituta.