Ignacio Arakistain azpeitiarraren eta Garazi Navasen Ezust Duoren musikaz gozatzeko aukera izango da datorren astean Azpeitian. Asteazkenean, uztailaren 14an, Basazabal jauregian eskainiko dute kontzertua, eta ez dira bakarrik ariko: Peio Irigoien txistulariak eta Maria Martin abeslariak ere parte hartuko dute Udako musika printzak izeneko emanaldian.
21:00etan hasiko da kontzertua Basazabal jauregian, eta bertara joan nahi dutenek dagoeneko eskura ditzakete gonbidapenak Kulturazen webgunean.