Jakina zen ihesaldia sortuko zela, baina baita ihesaldi hori harrapatzea zaila izango zela ere. Ia 100 kilometro egin ditu tropelak ihesaldi onak aurrera egin duenerako. Poelsek eta Woodsek piztu dute sua eta dozena lagun elkartu zaizkie. Txirrindulari onak!!! Omar Fraile, Guillaume Martin, Chaves, Cattaneo, Higuita, Meintjes...
Zuloa ireki dute etapa garaipena euren artean jokatzeko, eta helmugatik urrun hasl da euren arteko borroka. Woods saiatu da gehien, baina erori egin da jaitsiera batean, eta jokoz kanpo geratu da. Halako ihesaldietan funtsezkoa da une egokian erasotzea, eta indartsu egotea. Biak uztartu ditu Bauke Mollemak, helmugatik 30 kilometrora erasotuta. Inor ez da bere bila atera, eta gatza eman dio Trek taldekoak, minutu pasatxoko zuloa ireki eta garaipena lortzeko. Guillaume Martin sailkapen nagusiko bigarren postuan kokatu da ihesaldian lortu duen errentari esker.
Bihar Pirinioetako lehen etapa jokatuko da, Andorran bukatuko dena, 190 km osatu ostean. Lehen mailako hiru mendate daude, eta bigarren mailako beste bat, baino etzan samarrak, Beixalis azken gaina izan ezik. Envalira pasatuko dute bihar, Tourreko mendate garaiena, 2.409 metrorekin.