Bihar, asteazkena, eskainiko du Azpeitiko Udal Musika Bandak uztailaren 22an eskaintzekoa zen pasodobleen kontzertua. Hainbat arrazoi tarteko utzi behar izan zuten bertan behera emanaldia, eta gaur jakinarazi dute data berria. Horrenbestez, bihar, uztailak 28, eskainiko dute pasodobleen kontzertua. Emanaldia plazan izango da, 21:30ean hasita.
Joan zen asteko kontzerturako sarrerek biharko emanaldirako balioko dute, baina sarrerarik ez dutenek gonbidapenak eskuratzeko aukera dute oraindik. Horretarako, eskuragarri jarri dituzte sarrerak honako lotura honetan. Aforo mugatua tarteko, kontzertua ikusteko ezinbestekoa izango da gonbidapenak izatea.