Jende asko elkartu da gaur, 11:00etan hasita, Soreasuko Sebastian Donearen parrokian egin den San Inazio eguneko meza nagusian. Jose Ignacio Munilla Donostiako gotzainak zuzendu du elizkizuna. COVID-19a dela eta, ordea, aurten ere ez da prozesiorik izan herriko kaleetan barrena. Bigarren urtez jarraian ez da ekitaldia egiterik izan Azpeitian.
Parrokian osasun eta segurtasun neurri guztiak bete behar izan dituzte herritarrek. Elizara sartzerako eskuak gel hidroalkoholikoarekin garbitu behar izan dituzte, eta behin barruan, markatutako eserlekuetan eseri behar izan dute herritarrek.