Hitz idatzia du erreminta nagusi hedabide honek, eta haren bidez heltzen da herritarrengana gehienetan. Bihartik aurrera, ordea, tarte berezia gordeko dio Uztarria.eus-ek musikari. Herriko hainbat pertsona ezagunek berariaz hautatutako bost abestiren zerrenda kaleratuko du asteazkenero, Azpeitiarren doinuak seriearen barruan, eta herritar horiek hautatutako kanten gaineko azalpenak emango dituzte.
Bihar, asteazkena, kaleratuko du lehen zerrenda Uztarria.eus-ek: zehazki, Kepa Susperregi apaizaren bost abesti gustukoenen zerrenda entzungai izango da.