Joan zen abuztuan moto istripuz hil zen Ugaitz Kerejeta Lagun Onakeko jokalariaren oroimenezko hiruko torneoa izango da larunbat goizean Garmendipe futbol zelaian. Hiru talde ariko dira lehian, 10:00etan hasita: Lagun Onak, Anaitasuna eta Reala C.
Lehen neurketa (10:00etan) Lagun Onakek eta Anaitasunak jokatuko dute; bigarrena (11:00etan), Reala Ck eta Anaitasunak; eta hirugarrena (12:00etan), Lagun Onakek eta Reala Ck. Partidak 45 minutukoak izango dira.
Lagun Onakeko gizonen lehen taldea uztailaren hondarrean hasi zen 2021-2022 denboraldia prestatzeko lan saioekin, eta hiruko torneoa denboraldi-aurreko bigarren erronka izango da Ander Avellanedak gidatzen duen taldearentzat.