Iñigo Llopis igerilari donostiarrak zilarrezko domina lortu du Tokioko Paralinpiar Jokoetan, S8 mailan, 100 metroko bizkarrezko proban. Izarraitz Igeri Elkarteko Isaac Pousadak entrenatzen du Llopis. 1:06:82 izan da donostiarrak egin duen denbora, eta Robert Griswold estatubatuarra izan da probaren garailea —1:02:55 denbora egin du, eta munduko marka ezarri du—.
Bizkar estiloko 100 metrokoan trebatzen aritu da Llopis, eta Espainiako errekorra ezarri zuen Mallorcan (Balearrak, Herrialde Katalanak), bizkar estiloko 100 metrokoan. Gaur ez ezik, abuztuaren 31n ere lehiatuko da S8 mailako estilo libreko 400 metrokoan; sailkapeneko proba izango da.