100 urte bete dituela eta, zorion ekitaldia egin zioten atzo Antonia Nogalesi San Martin egoitzan. Han izan ziren, besteak beste, egoitzako langileak eta hainbat egoiliar, baita Nogalesen familiako kideak eta Nagore Alkorta alkatea ere. Nogales Quintana de la Serenan (Espainia) jaio zen 1921ean, baina 40 urte zituela Azpeitira etorri zen bizitzera. Atzoko ekitalditxoan lore sorta bat jaso zuen, baita Mikel Sanjuan tailugilearen lan bat ere.