Aste honetan bi film ikusteko aukera izango da Soreasu antzokian. Alde batetik, La Patrulla Canina izango da ikusgai, urriaren 3an, igandea, 16:30ean hasita. Eta, bestetik, Con quien viajas filma ikusi ahal izango da urriaren 3an, igandea, 19:30ean, zein urriaren 4an, astelehena —ikuslearen eguna—, 21:00etan.
Cal Brunker zuzendariaren filma da La Patrulla Canina (AEB, 2021), eta haurrei zuzenduriko animaziozko ikus-entzunezkoa da. Bestalde, Con quien viajas (Espainia, 2021) Hugo Martinek zuzenduriko filma da, eta besteak beste, Salva Reina, Ana Polvorosa, Andrea Duro eta Pol Monen aktoreek parte hartzen dute bertan. Lau ezezagun Madrilgo erdigunean gelditu dira autoz Ciezara (Murtzia, Espainia) joateko, bidaien aplikazio baten bitartez. Ibilbidean zehar, bidaiariek beren bizitzaren inguruan hitz egiten dute, eta une batean, gidaria modu arraroan jokatzen hasten dela ohartzen dira.
Hona hemen bi filmen aurrerapen bideoak:
La Patrulla Canina
Con quien viajas