Jende ugari bertaratu zen atzo, astelehena, Loiolako basilikara, Loiolako Inazioren konbertsioa kontatzen duen Iñigo filmaren estreinaldira. Atzo plazaratu zuten aurrenekoz Imanol Rayo zinemagile iruindarraren filma, Loiolako Inazioren konbertsioaren 500. urteurrenaren bueltako ospakizun egitarauaren barruan.
Atzoko ekitaldian izan ziren Rayo, filmaren egile eta zuzendaria, eta Xabier Godino, filmean Loiolako Inazio hezurmamitzen duen aktorea. Hura da filmean parte hartu duen aktore bakarra. Ikus-entzunezkoaren zenbait azalpen emateko aprobetxatu zuten hitzordua Rayok eta Godinok, eta Loiolan elkartutakoekin batera ikusi zuten filma, han jarritako pantaila erraldoian.
Atzoko estreinaldiaren atarian Rayorekin solasean aritu zen Erlo Telebista, filmaren nondik norakoez eta sormen prozesuaz, besteak beste. Hona hemen elkarrizketa osorik.
