Oraindik ere zabalik dago Emakumeen Txokoak antolatutako Jabetze Eskoletan izena emateko epea. Hainbat ikastaro antolatu dituzte datozen hilabeteetarako, hala nola makrame ikastaroa, elikadura kontzienteari buruzkoa, feminismo antiarrazistaren ingurukoa nahiz koloretako jantzien bueltakoa. Horrez gain, Irakurle Eskola Feminista ere jarriko dute martxan aurtengoan, eta han parte hartzeko ere izena eman beharko da aurrez.
Ikastaroetan nahiz irakurle eskolan izena emateko azken eguna ostiala, urriak 1, izango da, eta interesatuek Emakumeen Txokoan eman beharko dute izena, 943-15 70 55 edo 688 75 10 00 telefonoetara deituta edota emakumetxokoa@azpeitia.eus helbide elektronikora idatzita.