Pandemia tarteko, bertan behara utzi zituzten San Martin egoitzako egoiliarrei zuzendutako askotariko jarduerak. Orain, hilabete luzez ekintza horiek egin gabe egon ostean, "pixkanaka" horietako batzuk berreskuratzeari ekin diote. Gaur, esaterako, San Martin egoitzako egoiliar talde bat musika terapiako saioetan hasi da. Egoitzako arduradunek azaldu dutenez, egoiliarrak "ilusioz" hasi dira parte hartzen musika terapia saioetan. Duela lau urte jarri zuten martxa egitasmoa, egoiliarren bizi kalitatea hobetzeko helburuarekin. Orain, Gurutze Gorriko kideen laguntzarekin, astelehenero musika eskolara joango dira. "Badira egoiliar batzuk beteranoak direnak; badaude berriak direnak ere. A zer emozioa eta poza musika eskolara itzuli direnean. Eskerrik asko egitasmoan parte hartzen duten guztiei!", adierazi dute San Martinekoek.
(Argazkiak: San Martin egoitza)