Uztarriak jakin ahal izan duenez, Loiolako santutegian 22 pertsona kutsatu eta lau hil dira COVID-19ak eragindako agerraldi baten ostean. Joan zen irailaren 28an hauteman zuten agerraldia, santutegiko erizaindegian. Santutegiko iturriek jakinarazi dutenez, positibo eman zuten 22 pertsonetatik hamabi jesuitak ziren, eta beste hamar, bertako langileak; denek zuten COVID-19aren aurkako txertoa jarrita. Hildakoei dagokienez, berriz, guztiak adinekoak eta jesuitak ziren, eta beste gaixotasun batzuk ere bazituzten.
Gaur-gaurkoz ez dago positibo berririk erizaindegian, eta Loiolako santutegiko elizkizunak larunbatean normaltasunera itzultzea aurreikusten dute.