Behobia-Donostia lasterketa izango da azaroaren 14an, igandez, eta Azpeitiko Udalak lasterkariak probaren hasierara eramateko autobus zerbitzua eskainiko du. Behobiara autobusez joan nahi dutenek Udal Igerilekuan eman beharko dute izena, bost euro ordainduta.
Lasterketaren egunean, 07:30ean aterako da autobusa anbulatorioaren aurretik. Udalak azaldu duenez, gehienez, 55 lagunentzat lekua izango da autobusean.