Azpeitiko Condor klubeko Jonathan Terronek eta haren irakasle Otavio de Paulak Eibarko Jiu-jitsu Kopa jokatuko dute igandean, Eibarko (Gipuzkoa) Ipurua kiroldegian, Ne-waza modalitatean. Maila internazionaleko hitzordua izango da igandekoa, eta azaroan jokatuko den Espainiako Jiu-jitsu Txapelketarako sailkapen kanporaketa izango da.
Igandeko saioa 16:00etan hasiko da. Terron 85 kilo azpiko mailan lehiatuko da, eta De Paula 100 kilo azpikoen mailan. Terronek adierazi duenez, "maila handia" egongo da txapelketan, eta "oso interesgarria" izango dela aurreikusten du. Azpeitiko bizilaguna "dena ematera" doa Eibarrera.
Espainiako Txapelketarako txartela eskuratuz gero, Condor klubeko borrokalariek azaroaren izango dute hurrengo hitzordua. Hain zuzen, azaroaren 20an eta 21ean jokatuko da txapelketa, Parlan (Madril).