Getariako Txakolina bertsotan ekitaldia izango da asteazkenean, Basazabal jauregian, eta oraindik ere eskuragai daude dastaketarako eta emanaldirako sarrerak –honako lotura honetan eros daitezke–, hamar euroren trukean.
19:00etan hasita, Mikel Garaizabal ardo dibulgatzaileak gidatutako txakolin dastaketa izango da, eta saioa bertso doinuz lagunduko dute Unai Agirre zein Nerea Ibarzabal bertsolariek. Ordu eta erdi inguruko saioa izango da.