Gaur, azaroak 1, Santu Guztien Eguna da, eta ohiturari jarraituz herritar asko eta asko izan da goizean Azpeitiko hilerrian. Ohi baino koloretsuago esnatu da herriko hilerria, lorez, apaingarriz eta kandelaz beteta. Hainbat izan dira gaur joan diren herritarrak, baina beste askok azken egunetan aprobetxatu dute gertukoen hilobiak txukuntzeko eta apaintzeko.
Iaz, gaurko egunez, ezohiko irudia zuen hilerriak; izan ere, pandemia tarteko, oso jende gutxik egin zuen bisita bertara. Gaur, ordea, azaroaren 1eko tradizioari eusteko aukera izan dute herritarrek.