Esku hutsik bueltatu ziren etxera atzo, asteazkena, Juaristi ISB taldeko saskibaloi jokalariak. Izan ere, 81-65 galdu zuen Azpeiti-Azkoitiko taldeak Palmer Alma Mediterranea Palmaren aurka jokatutako norgehiagoka. Iñaki Jimenezen mutilek ezin izan zuten markagailua irauli, eta partidaren zati guztietan aurretik joan ziren palmatarrak.
7. jardunaldia izan zen atzo jokatu zutena, eta sailkapenean azken hirugarren postuan dago orain etxeko taldea. 8. jardunaldia, berriz, datorren igandean, hilak 14, jokatuko dute CB Prat taldearen aurka, Azpeitiko kiroldegian, 18:00etan hasita.