“Osasuna eta askatasuna” aldarrikatzeko manifestaziora deitu du Bizitza plataformak hilaren 27rako. “Gizateriaren kontra azken hilabeteetan egiten ari diren krimenak” ere salatuko dituzte, EiTBk Bilbon daukan egoitzatik 16:30ean abiatuko den mobilizazioan.
Hainbat herritatik antolatu dituzte autobusak protestarekin bat egiteko; tartean, baita Azpeititik ere. Izena eman nahi dutenek 650 43 18 59 telefono zenbakira deitu behar dute. Manifestazioa arratsaldean izango bada ere, 12:00etan hasiko dituzte Bilboko ekintzak, eta jakinarazi dutenez, autobus batzuk goizetik abiatuko dira eta beste batzuk arratsaldean, protestarako. Geltokietako ordutegiak izen ematearen arabera zehaztuko dituztela eta itzulera ordua 20:30ean izango dela jakinarazi du plataformak.
Mobilizazioaren eta plataformaren inguruko informazio gehiago Bizitzaren web orrian dago eskuragarri.