Azaroaren 20a Haurren Eskubideen Nazioarteko Eguna da. Hori dela eta, joan zen ostiralean, hilak 20, hainbat ekintza egin zituzten Txiki Txoko eta Iturritxiki ludoteketan. Besteak beste, haurren nahiak eta aldarriak mural batean jaso, eta kartela plazan zintzilikatu zuten. "Osasuntsu egotea, jolastea, lanik ez egitea, eskolara joatea eta familia izatea" izan ziren egindako muralean haurrek idatzi zituzten gauzetako batzuk.