Indarkeria Matxistaren Aurkako Nazioarteko Eguna da gaur, eta horren harira, Ikasle Abertzaleek deituta, ekintzak egin dituzte, Indarkeria matxistaren aurrean antolakuntza komunista lelopean. Hain zuzen ere, lehenik, 11:30ean hasita, hitzaldia izan da Azpeitiko Gaztetxean, Zergatik jasaten dugu emakumeok indarkeria matxista? izenburupean. Ondoren, berriz, 12:30ean, elkarretaratzea egin dute plazan. Herriko ikasle ugari bertaratu dira mobilizaziora.
