Duela bi hilabete inguru jakinarazi zuen Azkoiti-Azpeitiko In Your Face musika taldeak ibilbidea amaitzekoa zela, Gure mendekua izeneko diskoa plazaratzearekin batera. Handik gutxira jakinarazi zuten ibilbidea ixteko jaialdia egitekoak zirela. Hain zuzen, Azken Agurra Fest egingo dute larunbatean, abenduak 11, Azpeitiko Gaztetxean.
Zapatuan 18:00etan irekiko dituzte Azpeitiko Gaztetxeko ateak, eta edukiera bete arte egongo dira zabalik. Lau musika talde igoko dira Gaztetxeko oholtzara: agurra emango duen In Your Face musika taldea, Rejects, Cold Revenge eta Estutu.
Antolatzaileek jakinarazi dutenez, sarrera borondatezkoa izango da.