Euriak ez du etenik izan azken aste eta egunetan, eta Urola ibaia hazita dator. Hori dela eta, ibaiak gainezka egin du Madalenako ospitale zaharraren parean. Gaur arratsaldeko lehen orduetarako ura ikus zitekeen Madalena inguruko errepidean zein ospitale zaharraren aurreko eserlekuetan.
Azpeitiko Udalak azaldu du azken egunotako eguraldi txar eta alerta egoera dela eta, eurite eta uholdeengatik "zaintza berezia" egiten ari dela herri guztian zehar, hala nola estoldak garbitu, ibaiaren egoera zaindu, errepideetako ur putzuen zaintza lanak eta luizien ikuskapena.