Hator Hator Horror Fest beldurrezko eta fantasiazko zinema jaialdia egin dute ostiraletik igandera herrian, Ospel Films ekoiztetxeak eta Kulturaz kooperatibak antolatuta. Besteak beste, hainbat film emanaldi eta garagardo dastaketa izan dira egunotan, eta gaurko ekintzekin amaitu dute egitasmoa: hain zuzen ere, Xanti Rodriguezek eta haren lantaldeak workshop-a eskaini dute Sanagustin kulturgunean, eta ondoren, haurrentzako makillaje tailerra izan da, leku berean.
Hedabide honek Rodriguezekin hitz egin du, Hator Hator Horror Fest egitasmoaren lehen edizioaren balorazioa egiteko. Gustura dago hura, eta hurrengo urtera begira, "harago" iristea da beren asmoa. Beraz, gelditzeko etorri da Hator Hator Horror Fest.