Neguaren betean egonagatik, azken egunotako ilunabarrek ez dute adierazten tristurarik. Atzo iluntzean, esaterako, argazkiko itxura zuen zeruak: Urola ibairaino iritsi zen haren kolore arrosa. Herritar asko eta asko etxean sartuta dauden honetan, eskertuko zuten naturaren ikuskizuna. Arrats gorri, goiz argi dio esaera zaharrak, eta ea pixkanaka-pixkanaka egunek lehengo argitasuna berreskuratzen duten.