Doctor Deseo musika taldeak beste kontzertu bat emango du martxoaren 4an herrian, Kulturaz kooperatibak antolatuta. Martxoaren 5eko emanaldirako sarrera guztiak agortu dira, eta horregatik, beste emanaldi bat eskainiko du bezperan. Hain zuzen ere, larunbatez, izango da kontzertua, 22:00etan hasita, eta dagoeneko salgai daude hara joateko sarrerak 22 euroren trukean.
Doctor Deseok Maketoen iraultza lana aurkeztuko du Azpeitian bi egun horietan. Hamabi abestiko diskoa da abenduan kaleratu zuena, eta kanta horiek guztiak euskaraz abesten ditu Francis Diezek.