Otsailaren 6rako, iganderako, saskigintza tailerra antolatu dute Ekoetxean. 9 urtetik gorako haurrentzako zein helduentzako ikastaroa izango da, eta gaztain egurrarekin saski txikiak egingo dituzte.
Ordubeteko hiru txanda antolatu dituzte Ekoetxeakoek: 10:00etan, 11:00etan eta 12:00etan. Doan da, eta tailerrak parte hartze mugatua izango du. Izena otsailaren 4a baino lehen eman beharko da Ekoetxean bertan, 943- 81 24 48 telefono zenbakira deituta edota museo@ingurugiroetxea.org helbide elektronikora idatzita.