Top Market azoka jarri dute gaur, igandea, plazan, Haginpe tabernaren kanpoaldean. Moda, artisautza, dekorazioa eta bitxigintza uztartzen dituen azoka da Top Market, eta Oninpintage, Aizterri Home, Gigil Design, Elene Tamayo, Mono eta Holz Und Blech markak izan dira bertan beren produktuak saltzen. Gainera, MR. Soto eta Munizzio DJak arduratu dira giroa musikaz alaitzeaz.
Jasangarritasunaren aldeko mugimendua sustatzeko xedez sortu zuten Top Market, eta duela bi urte egin zuten lehen azoka Donostiako Tabakaleran. Orduz geroztik, Gipuzkoako hainbat txokotan ezarri dituzte postuak.