Udal Liburutegiak eskulan tailerra antolatu du otsailaren 14rako, astelehena. Haur Hezkuntzako 5. mailako haurrei zuzendutako saioa 17:30ean hasita egingo dute, liburutegian bertan.
Plazak mugatuak izango dira, eta beraz, tailerrean parte hartu nahi duten umeek otsailaren 11ra bitartean eman beharko dute izena liburutegian. Parte hartu dezaketen haurren kopurua gaindituz gero, izena eman duten guztien artean zozketa egingo dutela adierazi dute saioaren antolatzaileek.