Katxalin bularreko eta ginekologiari lotutako minbizia duten emakumeen Gipuzkoako elkarteak loteriaren hainbat dezimo saldu zituen Azpeitian, eta saritua izan zen haiek saldutako zenbakia. Hain zuzen ere, 81.748 zenbakiaren hainbat dezimo saldu zituzten Azpeitian, eta txartel bakoitzaren jabeak hamabost euroko saria irabazi zuen. Diru hori kobratzeko, zenbait hitzordu zehaztu zituen elkarteak urtarrilean, baina oraindik ez dituzte sari guztiak banatu. Hori dela eta, beste bi aukera izango dira, zenbaki saritua dutenak diru bila joan daitezen.
Hain zuzen ere, asteazkenean –otsailak 9– 10:00etatik 12:30era eta datorren astelehenean –otsailak 14– 16:00retatik 19:00etara izango da saria kobratzeko aukera, Baigeraren lokalean. Txartelaren atzean norbere izen-abizenak idazteko eremu bat dago, eta atal hori beteta ekartzeko eskatu dute Katxalin elkartekoek, lana errazte aldera.