Euskal Herriko Trikitixa Elkarteak Azpeitiko Udalaren laguntzarekin antolatuta, pandero ikastaroa izango da otsailaren 26an, larunbatez, Azpeitian. Iraide Ansorenak gidatuko du saioa; Musikenen perkusio gradua egina da, eta Khami eta Alboka folk taldeetako kidea. Perkusio instrumentu ezberdinak eta horien aldaerak irakatsiko ditu saioan. Era berean, beste hainbat gauza landuko dituzte: panderoen ikuspuntu eta teknika ezberdinak, pandero karratu eta panderoaren arteko erritmoak nahiz panderoaren eta perkusio osagarrien konbinaketa.
Ikastaroan parte hartu nahi dutenek aurrez eman behar dute izena: otsailaren 23a, asteazkena, izango da horretarako azken eguna, eta trikitixa@trikitixa.eus helbidera idatzi behar da. Basazabal jauregian emango dute tailerra, 10:30etik 13:00etara bitartean. Saioan parte hartzeko 25 euro ordaindu beharko da; Euskal Herriko Trikitixa Elkarteko bazkide direnek, berriz, %15eko deskontua izango dute.