Lagun Onak Mendi Bazkunaren Mendiko Ahotsak solasaldi zikloaren barruko beste hitzordu bat izango da asteazkenean Azpeitian. Zehazki, Nico Favresse eta Sean Villanueva eskalatzaile eta musikariak izango dira Soreasu antzokian.
20:00etan hasita eskainiko dute hitzaldia punta-puntako bi kirolari belgikarrek, eta hara joan nahi dutenek oraindik ere badute sarrerak erosteko aukera; hamasei eurotan eros daitezke Kulturaz.eus webgunean.