Azpeitiko Jubilatuen eta Pentsiodunen Plataformak sinadura bilketa egin du gaur, plaza nagusian, 11:00etatik 12:30era bitartean. Sinadura horien bitartez, honako eskaera hauek egingo dizkiote Diputatuen Kongresuko ordezkariei: 2022. urtean eta hurrengoetan, berma dezatela pentsioen eros ahalmena, KPIa igotzen den neurrian pentsioak ere igo daitezen; pobrezia mailatik beherako pentsiorik ez dadila egon; eta pentsio publiko duinak berma ditzatela, pribatutasuna saihestuz.