Atzerako kontaketa betean sartuta dabil Azpeitia, bi urte eta gero berriro Karnabal festak ospatzeko prestatzen. Astean zehar apaintzen joan dira erakusleihoak, eta zezenerako hesiak jarri dituzte, besteak beste.
Udaletxea ere festarako jantzita dago atzodanik. Iaz ez bezala, aurten koloretako oihalez jantzi dituzte eraikinaren fatxadako leiho eta balkoi guztiak. Gainera, Azoka Plazaren etxaurrea hainbat kolorez argiztatu dute.
