Euskal Herriko Trikitixa Elkarteak Azpeitiko Udalaren laguntzarekin antolatuta, pandero ikastaroa izan zen joan zen larunbatean Basazabal jauregian. Iraide Ansorenak gidatu zuen saioa; Musikenen perkusio gradua egina da, eta Khami eta Alboka folk taldeetako kidea. Perkusio instrumentu ezberdinak eta horien aldaerak irakatsi zituen saioan. Era berean, beste hainbat gauza landu zituzten: panderoen ikuspuntu eta teknika ezberdinak, pandero karratu eta panderoaren arteko erritmoak nahiz panderoaren eta perkusio osagarrien konbinaketa.
