Doctor Deseo musika taldeak atzo, ostiralarekin, Azpeitian hasi zuen Maketoen iraultza diskoa aurkezteko kontzertuen bira. Arrakasta itzela izan zuen hitzorduak; izan ere, Sanagustin kulturgunea leporaino bete zen Francis Diezen eta haren musika taldearen doinuak entzuteko. Giro ezin hobea sortu zen emanaldian.
Atzokoaren ajeari aurre eginda, gaur bigarren kontzertua eskainiko du taldeak herrian. 22:00etan hasita, Sanagustineko agertokian izango da Doctor Deseo gaur ere, eta harako sarrera guztiak agortuta daude.