Pentsio duin eta publiko duin baten alde lelopean, gaur ere kalera atera dira hainbat lagun Azpeitian. Pentsiodunen plataformak deituta, Azoka Plazaren atarian egin dute asteroko elkarretaratzea, eta pentsio duinak nahiz pentsio sistema propioa aldarrikatu dituzte.
Era berean, Azpeitiko jubilatuek eta pentsiodunek lehen osasun arreta zerbitzuaren inguruko mozioa aurkeztu dute udalean, eta hain zuzen ere, testu hori biharko udalbatzarrean bozkatuko dutela aurreratu dute.
Bestalde, bihar Martxoaren 8a dela eta, egun horren bueltan antolatutako mobilizazioetan parte hartzeko deia egin diete herritarrei.