Bi urteko etenaren ostean, aurten bai, aurten ospatuko dituzte San Jose jaiak Loiolan. Egitaraua prest dute dagoeneko antolatzaileek, eta ekintza guztiak egun bakarrean egingo baldin badituzte ere, izango da zer egin eta zer goza: asto karrerarik ez da faltako, ezta herri kirol erakustaldirik ere.
San Jose egunaren biharamunean, martxoaren 20an, igandez, ospatuko dituzte aurtengo festak. 11:00etan hasiko dute egitaraua; zezen txikiak izango dira Loiolako basilikaren aurreko zabalgunean. Ondoren, 13:00etan, asto karrera izango da, Loiolako jaien berezigarri nagusia.
Arratsaldean, berriz, 17:30ean hasita, herri kirol saioa egingo eskainiko dute Eneko Otaño eta Ugaitz Mugertza aizkolariek eta Aimar Irigoien nahiz Goenatxo III.a harri-jasotzaileek. Gainera, goizean nahiz arratsaldean haurrentzako puzgarriak izango dira, eta trikitilariak arduratuko dira giroa alaitzeaz.