Apirilean zehar Azpeitian izango diren ikastaroen berri eman du KZguneak, eta askotariko gaien inguruko saioak izango dira aurrez aurre nahiz online. Euskaraz, guztira, hamar ikastaro eskainiko dituzte, eta besteak beste honakoak izango dira: komunikazio ez-presentzialerako tresnen ikastaroa, mekanografiaren ingurukoa, GIMP programa erabiltzen ikastekoa, eta Interneten erosketa eta ordainketa seguruak egiten trebatzekoa. Honako lotura honetan kontsulta daitezke ikastaro guztiak eta horien inguruko xehetasunak zein ordutegiak.
Ikastaroetan izena eman nahi dutenek, hainbat aukera dituzte horretarako. Alde batetik, KZgunera joanda; une honetan KZgunera aldez aurretik hitzordua eskatuta bakarrik joan daiteke, zentroko telefonora deituta (943-02 36 20). Bestetik, telefonoz deituta –ikastaroan izena telefono bidez emateko KZguneko erabiltzaile izatea derrigorrezkoa da–. Eta, horrez gain, KZgunearen webgunean ere egongo da telematikoki izena emateko aukera. KZgunean edo ikastaroetan izena emateko laguntza behar dutenek ondoko bideotutorialak kontsulta ditzakete, esteken gainean klik eginez:
Azpeitiko KZgunea (Foruen Ibilbidea 18, Enparan Dorretxea, 1. solairua), astelehenetik ostiralera dago irekita, 09:00etatik 13:00etara eta 16:00etatik 20:00etara.